Gonarthrosis është një sëmundje, për të cilën numri rasteve të reja është gjithnjë në dhe karakterizohet me konsumimin e artikulacionit të gjurit që çon në:

• dhembje të gjurit,
• vështirësi në ecje,
• edemë të gjurit.

Ky problem diagnostikohet me teknologjinë më të fundit imazherike, radiografi dhe rezonancë magnetike.

Trajtimi realizohet me dy mënyra:

trajtim konservativ me injeksione intraartikulare:

1. Acidi Hyaluronic
2. PRP-platet rich plasma

Injektimi i acidit hialuronik në artikulacione i përket gjeneratës së re të trajtimit të këtyre patologjive.

Acidi hialuronik është një përbërës natyral, i cili gjendet në inde të ndryshme të trupit të njeriut dhe perdorimi i tij për osteoartritin në gju është i miratuar nga FDA dhe vepron duke:

• rritur viskozitetit dhe sasinë e lëngut sinovial,
• reduktuar fërkimet e sipërfaqeve të përbashkëta artikulare,
• rritur qelizat kondrocite për të siguruar rigjenerimin dhe parandalimin e proceseve inflamatore.

PRP (plazmë e pasur me trombocite) përfaqëson një trajtim biologjik për dëmtime të ndryshme muskuloskeletale, që përfshijnë tendinat, ligamentet, kërcet dhe kockat. Ky produkt përftohet nga gjaku i vetë pacientit me një përqendrim tepër të lartë trombocitesh, i pasur me faktorë të rritjes (GF) dhe citokina, të cilat janë faktuar se iniciojnë dhe nxisin shërimin duke stimuluar migrimin dhe përhapjen e qelizave, angiogjenezën (neovaskularizimin) dhe sintezën e matricës. Këto shërbejnë si pika kyçe për shërim/rigjenerim efektiv falë metodave më të sigurta për ju dhe mjekëve tanë ortopedë.

Përdorimet e PRP

PRP në Osteoartritin e gjurit

Trajtimi i dëmtimeve të kërcit është ende një sfidë për zhvillimet ortopedike. Për të kapërcyer këtë pengesë, po provohen trajtime të reja të bazuara në mjekësinë rigjeneruese, përkatësisht PRP. Injektimi intra-artikular i PRP transporton dhe depoziton shumë ndërmjetës bioaktivë: një armatë e pasur me GF (faktori rritës i trombociteve dhe fibrina), së bashku me GF (faktorin rritës plazmatik), HGF (faktori i rritjes së hepatociteve) dhe IGF-1 (faktori i rritjes i ngjashëm me insulinën-1). Këta ndërmjetës, të pranishëm brenda PRP, stimulojnë përhapjen dhe migrimin e qelizave, sintezën dhe depozitimin e komponentëve të matricës jashtëqelizore (ECM). Angiogjeneza dhe rimodelimi i indeve brenda një rrjeti fibrine autolog, çlirohen gradualisht dhe është provuar se reduktojnë ndjeshëm dhimbjen, përmirësojnë ngurtësinë e kyçeve dhe funksionin fiziko-mekanik në pacientët me osteoartrit/artrozë gjuri.

Infiltrimet intra-artikulare dhe intra-kockore të plazmës së pasur me trombocite (PRP) stimulojnë sintezën e acidit hialuronik (HA) dhe lubricinës nga sinoviocitet dhe kondrocitet,  të cilat favorizojnë diferencimin dhe shërimin në nivele qelizore.

PRP përdoret te pacientët që vuajnë nga OA e gjurit dhe është treguar të jetë i sigurt dhe efikas në përmirësimin e simptomave klinike.

PRP në patologjitë e tendinave

Dëmtimet e tendinave janë bërë një problem i përhapur, jo vetëm tek atletët e rinj, por edhe në popullatën e përgjithshme, veçanërisht në atë të moshuarën. Tendinat më të zakonshme të prekura përfshijnë ato përreth supit, bërrylit dhe kyçit të dorës, tendinit patelar dhe atij të Akilit.

• Bursiti inflamator i supit
• Epikondiliti lateral

Epikondiliti lateral (LE)-dhimbja në pjesën laterale/të jashtme të bërrylit ka një prevalencë të shtuar. Terapitë konservative përfshijnë pushim, terapi fizike dhe/ose injeksione steroide. Kohët e fundit, PRP ka marrë vëmendje më të madhe si një opsion i mundshëm trajtimi afatgjatë në raste të rënda për të evituar kirurgjinë.

• Tendinopatia patelare
• Tendinopatia/ruptura e pjesshme e Tendinit të Akilit
• Dëmtime të Manshetës Rotatore

Dëmtimet Meniskale dhe ligamentet e gjurit

Aplikimi i PRP në pacientët e operuar dhe ata jo të operuar ka provuar rezultate klinike shumë të mira në ecurinë e pacientëve.

Fasciti Plantar

Avantazhet/Përfitimet e PRP

PRP ka përparësi të shumta:

• produkt biologjik autolog-i vetë pacientit (jo industrial)
• lehtësisht i aksesueshëm
• përgatitje e shpejtë
• komplikacione minimale
• kosto e ulët
• mund të parandalojë kirurgjinë madhore të dëmtimeve osteoartikulare.

Trajtim kirurgjikal që konsiston në zëvendësimin me protezë të artikulacionit që përmirëson menjëherë jetën e pacientit.