Hepatokarcinoma primare (kanceri i mëlçisë) është tumor malinj i mëlçisë, i cili e ka fillesën e tij po në melci dhe nuk është rast i metastazave të sëmundjeve të tjera malinje të organizmit, të cilat përhapen edhe në mëlçi. Është një tumor shumë i përhapur që prek më tepër meshkujt se femrat.

Simptomat:

Kanceri i mëlçisë mund të jetë asimptomatik ose shumë i vështirë për t’u dalluar.

Simptomat janë të njëjta nëse kanceri i mëlçisë fillon në mëlçi ose përhapet nga një pjesë tjetër e trupit (metastaza).

Simptomat mund të përfshijnë:

• Ikter- lëkura juaj ose e bardha e syve tuaj zverdhen
• Dhembje në pjesën e sipërme të djathtë të barkut ose në shpatullën e djathtë
• Humbje të oreksit ose humbje të pavullnetshme të peshës për një kohë të shkurtër
• Lodhje dhe dobësi trupore
• Gjendje e përgjithshme jo e mirë
• Fryrje vetëm në anën e djathtë të barkut tuaj

Faktorë rreziku:

• mosha mbi 60 vjeç
• gjinia mashkull
• sëmundjet si hepatiti, cirroza e mëlçisë, gurët në tëmth, diabeti, HIV
• historitë familjare për kancer primar të mëlçisë

Diagnostikimi:

• Konsultë te Gastrohepatologu
• Ekzaminime laboratorike
• Ekografi Abdominale, CT ose MRI
• Biopsi

Trajtimi:

• kirurgjia – Mjeku kirurg do të heqë një pjesë (nëse kanceri i mëlçisë zbulohet herët, është i vogël dhe nuk është përhapur) ose të gjithë mëlçinë tuaj (transplant i mëlçisë për të zëvendësuar mëlçinë tuaj me një të dhuruar).
• kemioterapia
• Radioterapia
• ablacioni me radiofrekuencë
• TACE Transarterial Chemoembolimi – bllokimi i arteries që furnizon me gjak masën tumorale
• trajtimi Paliativ

Prognoza:

Në rastin e kancerit të paoperueshëm të mëlçisë, mbijetesa në 5 vjet është mesatarisht 50%. Diagnoza e kancerit të mëlçisë është në faza të avancuara dhe ecuria e tij është jo e mirë.

Parandalimi:

• vaksinimi kundër hepatitit B
• evitimi i konsumimit të tepruar të alkoolit
• stili i shëndetshëm i jetesës
• ekzaminimi ekografik i mëlçisë çdo 3-6 muaj te çdo pacient i diagnostikuar me cirrozë