KANCERI I EZOFAGUT

KANCERI I EZOFAGUT

Error: Contact form not found.

Kanceri i ezofagut është një sëmundje në të cilën qelizat malinje (kancerogjene) formohen në indet e ezofagut.

Ezofagu është një tub muskulor që lëviz ushqimin dhe lëngjet nga fyti në stomak. Muri i ezofagut përbëhet nga disa shtresa të indeve, duke përfshirë mukozën, muskujt dhe indin lidhor. Kanceri i ezofagut fillon në shtresën e brendshme të ezofagut dhe përhapet jashtë përmes shtresave të tjera, ndërsa rritet.

Dy format më të zakonshme të kancerit të ezofagut emërtohen për llojin e qelizave që bëhen malinje (kanceroze):

  • karcinoma e qelizave skuamoze
  • adenokarcinoma

Simptomat:

  • vështirësi në gëlltitje
  • rënie në peshë
  • dhembje prapa gjoksit
  • ngjirje e zërit dhe kollë
  • dispepsi dhe urth

Faktorët e rrezikut:

  • duhanpirja
  • abuzimi me alkoolin
  • Ezofag Barrett – Qelizat në ezofag kanë ndryshuar ose janë zëvendësuar me qeliza jonormale që mund të çojnë në kancer të ezofagut. Refluksi gastrik (urthi) është shkaku më i zakonshëm i ezofagut Barrett.
  • mosha e madhe

Diagnostikimi:  

  • ekzaminimi objektiv dhe historia shëndetësore
  • radiografia torakale dhe ekzaminime imazherike si CT
  • ezofagoskopia
  • biopsia, e cila zakonisht bëhet gjatë një ezofagoskopie

Trajtimi:

  • kirurgjia
  • radioterapia
  • kimioterapia
  • terapia me laser
  • elektrokoagulimi
  • imunoterapia

Lloji i trajtimit të duhur varet nga:

  • lokalizimi i kancerit brenda në ezofag
  • prekja e strukturave përreth nga kanceri
  • përhapja e kancerit në limfonodula apo organe të tjera
  • simptomat (shenjat)
  • nga gjendja e përgjithshme shëndetësore

Prognoza:

Mbijetesa në pesëvjeçarin e parë për kancerin e ezofagut është rreth 20%, por mund të variojë nga 5% deri në 47%. Kur kanceri i ezofagut zbulohet herët dhe është i vogël, shkalla e mbijetesës në pesëvjeçarin e parë është më e lartë.

Rezervo Vizitën

spitali gjerman vizite

Error: Contact form not found.