Dr. Tullio Agricola

Shef i Njësisë së Kardiologjisë, Aritmologjisë dhe Kardiostimulimit
Presidio Ospedaliero “Villa Letizia”, L’Aquila

Dr. Tullio Agricola është shef i Njësisë Operative të Kardiologjisë, Aritmologjisë dhe Kardiostimulimit në Spitalin “Villa Letizia” në L’Aquila. Ai është diplomuar në Mjekësi dhe Kirurgji dhe është specializuar në Kardiologji në Universitetin “Gabriele D’Annunzio” të Chietit.

Në fazën e parë dhe shumë formuese të karrierës së tij, ai ka ushtruar Mjekësi të Përgjithshme dhe më pas i është përkushtuar studimit të Sëmundjeve Kongjenitale të Zemrës si dhe Ekokardiografisë Pediatrike dhe Fetale. Që nga mesi i viteve ’90 e deri më sot, fokusi i tij profesional është përqendruar në Aritmologji dhe Kardiostimulim.

Një rol thelbësor në formimin e tij profesional ka pasur përvoja e fituar në Departamentin e Aritmologjisë të Universitetit të Haut-Lévêque në Bordeaux, nën drejtimin e Prof. Michel Haïssaguerre.
Falë aftësive të tij organizative, Dr. Agricola ka ngritur dhe drejtuar laboratorë të Aritmologjisë Ndërhyrëse në Itali – pranë autoriteteve shëndetësore të Teramos dhe Peskarës – si edhe jashtë vendit, në Spitalin “Villa Maria GVM” në Tiranë dhe në Spitalin Gjerman në Tiranë, ku vijon të jetë drejtues.

Në fushën e Elektrofiziologjisë, Dr. Agricola renditet ndër ekspertët kryesorë të teknikave të ablacionit për trajtimin e fibrilacionit atrial dhe takikardive ventrikulare.
Ndërsa në fushën e Kardiostimulimit, ai zotëron eksperiencë të gjerë si në implantimin e pajisjeve stimulatore ashtu edhe në nxjerrjen e elektrodave të infektuara ose me defekt funksional.

Dr. Agricola ka botuar një numër të konsiderueshëm artikujsh shkencorë në revista ndërkombëtare të fushës së kardiologjisë, të përfshira në curriculum vitae-n e tij.